Администрацијата на американскиот претседател Џозеф Бајден го обвини неговиот претходник во Белата куќа – Доналд Трамп – за хаотичното повлекување на американските сили.
Според Би-Би-Си, во извештајот на 12 страници се наведува дека Бајден бил „сериозно попречен“ од одлуките на Трамп, вклучително и онаа во 2020 година кога беше постигнат договор со талибанците за ставање крај на војната.
Во извештајот се вели и дека владата требало порано да започне со евакуација на цивилите.
Трамп одговори дека Белата куќа „ја игра играта со дезинформации“.
Повлекувањето од Авганистан во август 2021 година го означи крајот на најдолгата војна во која учествуваа САД. За време на повлекувањето загинаа 13 американски војници и околу 200 Авганистанци.
Американските војници имаа задача да обезбедат повлекување на повеќе од 120.000 луѓе во рок од само неколку дена.
