Белгискиот уметник Вин Клеман ја направи најдолгата флејта на светот, која е осум метри, објави денеска порталот Фокус на Белгија.
Порталот додава дека необичниот звук од таа флејта бил основа за композиторот Роб Симонсен да создаде музика за филмот „Кит“, кој освои два престижни Оскари.
Клеман уште од детството бил фасциниран од звукот и музиката, поради што почнал да прави инструменти. Самоукиот уметник прво си направил инструменти и секоја зима оди во шума во потрага по добро дрво.
Потоа тој обично носи алатка за дупчење во делови од дрвото за да слушне каков звук или вибрации може да произведе.
Клеман подоцна стана светски познат како рачно изработувач на инструменти.
„Вака е создадена најдолгата флејта која произведува специфичен звук“, додава порталот.
