Играниот филм „Барби“ во режија на Грета Гервиг излегува летово, а на нивната официјална страница на Твитер објавија низа постери на барбики во различни улоги, меѓу кои пејачката Дуа Липа (27) и актерката Марго Роби (32), која всушност и ја игра главната улога.
Дуа Липа се најде во улога на сирена Барби, а на постерот со култното лого на оваа позната кукла позираше со долга небесно сина коса и во костими за капење во истата боја.
Гласините дека пејачката ќе учествува во овој проект започнаа кога ја заследи официјалниот инстаграм профил на филмот „Барби“.
Исто така, објавени се постерите со главните улоги на Барби и Кен во кои ќе ги видиме Маргот Роби и Рајан Гослинг (42), а објавен е и трејлерот.
На профилот беа објавени вкупно 24 постери, а во верзиите на Барби и Кен ќе ги видиме и актерката Иса Рае, Кејт Мекинон, Нкутија Гатва, Никола Кофлан, Александра Шип, Рита Арја, Ема Меки, Хелен Мирен и Ана Круз Кејн.
„Барби“, филмот за куклата која ја произведува познатиот производител на кукли „Мател“, излегува на 21 јули 2023 година.
