Иако е почеток на април, во некои делови на Косово падна снег, нешто што не е вообичаено за овој период од годината, но според метеоролозите целиот Балкан ќе биде зафатен со доста студен бран проследен со дожд и снег.
На некои фотографии кои се споделени на социјалните мрежи може да се види како снегот го покри теренот во општина Качаник, во Драгаш и други општини, пренесе Тетова сот.
Во меѓувреме, во Сухарека, градоначалникот на оваа општина Бали Мухаремај ги ангажира екипите за чистење на улиците.
„Постојано се трудиме да го расчистиме снегот од патиштата во Будаково и другите села“, напиша Мухаремај на Фејсбук.
Според метеоролозите, дождот кој почна во понеделникот ќе премине во снег во вторник, кога времето ќе биде постудено.
Исто така, врнежите од дожд локално може да бидат доста густи, што може да доведе и до одредени локални поплави, а врнежите од снег можат да формираат и слоеви снег, до половина метар нов слој во планинските предели.
Во четврток и петок ќе има сончеви интервали, но времето сепак ќе биде малку студено.
За викендот според последните прогнози повторно се очекуваат можности за дожд.
„Поволните временски услови со добра циркулација на воздухот и врнежите ќе ги одржат дисперзираните загадувачи на воздухот, а индексот на квалитетот на воздухот ќе биде претежно на прифатливи и добри вредности во првите денови од неделата“, се наведува во соопштението на „Prishtina Ëeather“.
