Украинските специјални сили објавија видео од уништувањето на рускиот радар против батерии ZOOPARK-1M во регионот на Доњецк, се наведува во новиот извештај на британската разузнавачка служба.
Напорите за уништување на непријателските радари против батерии се во тек на двете страни од почетокот на војната.
Иако се присутни релативно мал број од овие системи, тие значително ја зголемуваат моќта на нивните воени сили. Тие им овозможуваат на командантите брзо да ја лоцираат и таргетираат непријателската артилерија. Од друга страна, бидејќи оставаат активен електромагнетен сигнал, лесно се откриваат и уништуваат.
Според извештајот, Русија досега изгубила најмалку шест такви системи, а се чини дека има многу ограничен број од нив во Украина.
Стекнувањето на нови радари против батерии е клучен приоритет и за Русија и за Украина, но на Русија веројатно ќе и биде потешко да се справи со тоа бидејќи овие системи бараат високотехнолошка електроника, чие снабдување е нарушено поради воведените санкции.
