Шпанската актерка и водителка Ана Обрегон стана мајка на 69 години. Таа ја доби ќерката Ана преку сурогат-мајка.
Веста за тоа ја пренесоа сите шпански медиуми, а како што пишува магазинот „Хола“, Ана е вистински благослов за водителката која во 2020 година го загуби синот Алекс. Тој почина на 27-годишна возраст од рак.
Ексклузивни фотографии од новопечената мајка и нејзината ќерка Ана ги доби шпанскиот магазин „Хола“, а како што можете да видите од фотографиите, водителката не го криела воодушевувањето при излегувањето од болницата.
Да потсетиме, во деведесеттите години на минатиот век, Ана Обрегон беше голема љубов на поранешниот хрватски фудбалер Давор Шукер.
Давор и Ана биле заедно три години, кога тој бил на врвот на славата, односно кога играл за Реал Мадрид.
Колку Шукер ја сакал Ана сведочи и фактот што во еден момент ја запросил. Меѓутоа, неговиот план да станат брачни партнери не се остварил, бидејќи Ана тогаш го одбила запросувањето.
Шпанската водителка го доби синот Алекс со Алесандро Лекија во 1992 година, кој почина од рак во 2020 година.
ФОТО: Инстаграм
