Шведскиот напаѓач Златан Ибрахимовиќ сѐ уште не размислува за пензија иако веќе наполни 41 година и пред неколку дена стана највозрасниот фудбалер во италијанската Серија А кој успеал да постигне погодок на официјален фудбалски натпревар.
Договорот со Милан му истекува во јуни годинава, а како што објавија италијанските медиуми, црвено-црните најверојатно нема да му понудат продолжување на соработката на фудбалерот кој повеќе од половина сезона ја помина на трибините, бидејќи се жалеше на повреди.
Но, дури и да се случи такво нешто, дури и Милан да му „удри“ клоца на Швеѓанецот, италијанските медиуми пишуваат дека Адриано Галијани, сопственикот на фудбалскиот клуб Монца, е подготвен да му понуди договор на Ибра.
