Францускиот претседател Емануел Макрон го симна својот часовник вреден 80.000 евра сред гостување на телевизија во кое зборуваше за пензиските реформи за кои цела Франција е на нозе. Звук од тропањето на часовникот се слуша во видеото. Десет минути во интервјуто за дневникот на ТВ Франс Макрон го носеше часовникот, а потоа го симна во моментот кога зборуваше во врска со синдикатите, кои моментално жестоко протестираат.
Се работи за часовникот Бел и Рос BRV192 на кој специјално е испечатен грбот на Претседателството на Република Франција. Макрон го носел часовник на финалето на Светското фудбалско првенство во Катар, но и за време на неговата државна посета на Вашингтон минатиот декември.