Производителот на луксузни автомобили Ферари објави дека бил цел на сајбер напад врз доверливите податоци на одредени клиенти ширум светот и дека добил барање за откуп.Ферари „неодамна доби барање за откуп во врска со одредени податоци на своите клиенти“, се вели во соопштението на производителот.
Хакерите „имаа пристап до одредени податоци поврзани со нашите клиенти, како што се имиња, адреси, адреси на е-пошта и телефонски броеви, но не и банкарски детали“, изјави портпаролот на Ферари за AFP во вторникот.
„Според нашите сознанија, досега ништо не е објавено на интернет. Внимателно ја следиме ситуацијата“, додаде тој.
Ферари нема да се согласи да го плати откупот, „бидејќи исплатата на таквите барања ќе ги финансира криминалните активности и ќе им овозможи на актерите за закана да ги продолжат своите напади“, истакнува производителот.
Овој сајбер напад „немаше влијание врз работењето на нашата компанија“, уверуваат од Ферари.
По добивањето на барањето за откуп, „веднаш започнавме истрага во соработка со водечка меѓународна компанија за сајбер безбедност“ и ги „известивме надлежните органи“, додава производителот.
Извршниот директор Бенедето Виња испрати писмо до клиентите на престижниот бренд во кое ги информира за инцидентот.
Производителот минатата година испорача вкупно 13.221 автомобил ширум светот, што е зголемување за 18,5 проценти.
