Дмитриј Медведев, заменик-шефот на Советот за безбедност на Руската Федерација, напиша дека нема потреба да се објаснува како треба да биде користен налогот за апсење што го издаде Меѓународниот кривичен суд, а пораката ја објави со сликичка за тоалетна хартија.
„Меѓународниот кривичен суд издаде налог за апсење на Владимир Путин. Нема потреба да се објаснува каде треба да се користи овој документ“, напиша Медведев на својот профил на Твитер на англиски јазик.
Претходно, советот на МКС, чија јурисдикција не ја признава Руската Федерација, издаде налог за „апсење“ на претседателот на Русија Владимир Путин и детскиот правобранител Марија Лвова-Белова во врска со „нелегален извоз на деца“ од Украина.
