Светскиот топмодел Наоми Кемпбел на Инстаграм покажа фотографии од забавата по доделувањето на Оскарите, но нејзините следбеници заклучија дека легендарната манекенка претерала со фотошоп и дека изгледа како да го намалила носот, ја „испеглала“ кожата и го променила обликот на главата и вилицата.
„Ова е најлошата фотошопирана фотографија што сум ја видел“, „Изгледаш убаво без фотошоп, не ти требаат филтри и уредување слики“, „Што се случува со светот ако дури и Наоми мисли дека и треба ова?“, „Те молам избриши го ова“, се само дел од коментарите под нејзината објава.
Неодамна Ким Кардашијан слично привлече внимание со својата објава од приватната забава по ревијата на „Долче и Габана“ во Милано, каде што може да се види како позира во фустан од змиска кожа. Многу корисници на социјалните мрежи напишаа дека таа користела филтри или програми за уредување фотографии откако папараците објавиле несредени фотографии од ријалити ѕвездата.
„Зошто ги фотошопираше фотографиите? И без тоа си многу привлечна жена“, „Изгледа добро за нејзините години и без филтри“, „Подобро би било да покаже дека изгледа добро и на 42 години отколку да се преправа дека изгледа како да има 30 години“, „Поубава е без фотошоп“, се само дел од коментарите на луѓето под објавата на Ким.
Во последните денови, актуелна тема на интернет е најновиот филтер на ТикТок, Bold Glamour, кој е создаден од вештачката интелигенција и буквално го преплави ТикТок. Сите го пробуваат, го користат десетина милиони пати.
Ако снимате фотографии или видеа со овој филтер, вашиот тен ќе биде измазнет, јаболчниците и вилицата ќе ви бидат истакнати, очите и веѓите благо нашминкани, лицето без пори, а усните зголемени. Сепак, која било од овие промени е тешко да се воочи, па дури и кога ќе поминете со раката преку лицето или ќе го движите наоколу, филтерот сè уште трае и во ниту еден момент не го покажува вистинскиот изглед на личноста. Лицето изгледа сосема природно и реално.
Толку е реален што многу корисници на социјалните мрежи пишуваат дека треба да се забрани. Еден од проблемите што тие го наведоа е тоа што Bold Glamour создава изглед што е доволно близок до природниот изглед на оној што го користи, а сепак е недостижен. Многумина велат и дека тоа „влијае на менталното здравје на луѓето“ бидејќи во реалниот живот со овој филтер не изгледаат така како што се прикажани на социјалните мрежи.
ФОТО: Инстаграм
