Педесет и осумгодишен велешанец изгоре синоќа во пожар во сопствениот дом на улицата „Коле Цветков“ кај Црна Џамија во Велес, потврди СВР Велес.
Во домот на изгорениот велешанец бил и неговиот брат, која бил затруен со јаглерод моноксид, но бил спасен со брза интервенција од Службата за итна помош.
– Беше спречена поголема трагедија бидејќи неговиот 60-годишен брат беше затруен со јаглероден моноксид, но со Брзата интервенција на Службата за итна помош тој бил реанимиран и препратен на Интерно одделение при Општа болница Велес – информира за МИА доктор Тања Мишева од службата за Итна Помош.
Од Општата болница во Велес информираат дека по укажаната помош лицето кое било затруено со јаглероден моноксид утрово било пуштен дома.
Од ТППЕ Велес информираат дека добиле пријава за пожар во 3:55 часот, по што интервенирале со шест пожарникари и две возила и успеале пожарот да го изгаснат утрово околу 5:00 часот.
Полицијата била повикана на увид во 4:27 часот. Екипи на СВР Велес од крим-техника и јавен обвинител направиле увид на настанот со цел да се утврдат причините на пожарот.
