Актерот бил фотографиран во Санта Фе, Ново Мексико, каде живее во последните неколку години, како ужива во брза храна, по што заминал до бензинската станица во близина. Се чини дека Џин сè уште е во добра форма.
Неговата последна филмска улога беше во комедијата „Добредојдовте во Муспорт“ од 2004 година, покрај Кристин Барански. На 7 јули 2004 година, Хекман даде интервју со Лари Кинг во кое рече дека нема планови за нови филмски проекти и дека верува дека неговата актерска кариера е завршена. Години подоцна, тој го потврди своето пензионирање додека го промовираше својот трет роман „Бегство од Андерсонвил“ во 2008 година.
Во 2011 година, новинарите на „ЏејКју“ го прашаа дали некогаш ќе сними друг филм, на што Хекман одговори: „Ако можам да го снимам во мојата куќа, можеби, без никој да ме прекине, можеби со личност или две околу мене“.
Хекман дури пет пати беше номиниран за Оскар, од што двапати и го освои и тоа за филмовите „Француска врска“ и „Непростено“.
