Украинскиот претседател Володимир Зеленски им се обрати на пратениците во германскиот Бундестаг и во таа прилика и се заблагодари на Германија за помошта, но им порача на пратениците дека нивната поддршка „дојде предоцна за да се запре војната“.
„Зошто „никогаш повеќе“ не е точно. „Која е историската одговорност на Германија кон Украина денес?“, праша тој, пренесе Би-Би-Си.
Зеленски ги критикуваше германските лидери за деловните интереси на земјата во Русија.
„Можевме да ја видиме вашата подготвеност да продолжите да соработувате со Русија и сега сме во средината на Студената војна. Повторно, ова е нешто што не сте го виделе. Сè уште се заштитувате зад ѕид кој не ви дозволува да видите низ што поминуваме“, рече Зеленски.
Тој ја повика Германија да се справи со руската агресија и да воведе построги санкции кон Москва.
„Мирот е поважен од приходите“, им рече тој на пратениците.
