Марсеј не успеа да слави против ПСЖ. Избраниците на Сеад Колашинац претрпеа пораз од 3:0 на „Велодром“ во дербито од 25. коло на Лига 1.
Тудор ги откри своите размислувања по средбата.
„Не сум разочаран од моите играчи. Се обидовме да го направиме она што вообичаено го правиме, но игравме против подобар тим. Беше тешко да се создаде разлика на теренот, па загубивме. Дали треба да го променам мојот стил на игра? Зошто би променил нешто што функционира? Во спротивно, тоа што го правиме успева, тоа е начинот на кој играме, кој никогаш не е добро да се промени“, рече Тудор.
Тој зборуваше и за Мбапе.
„Мбапе? Тој го реши натпреварот. Дали поради него требаше да играме поинаку? Не го разбирам прашањето. Ние секогаш играме на ист начин. Да, беше потешко од вообичаено, но тоа не значи дека ќе го промениме стилот на игра. Ние секогаш играме на ист начин. Мбапе е играч од друга планета. Имаше многу простор затоа што е играч од друга планета, едноставно. Фудбалерите на ПСЖ беа навистина мотивирани, одамна не трчаат како сега. Би било тешко некој да игра против противник чии играчи се во таква форма“, изјави хрватскиот селектор.
На почетокот на февруари, Марсеј на домашен терен го победи ПСЖ со 2:1 во осминафиналето од Купот на Франција и го исфрли од натпреварувањето.
„Ако ги споредиме тие два натпревари, разликата е во Мбапе. Игравме на идентичен начин. Играчите дадоа максимум, но комплицирано е да се победи кога ги имаат Меси, Руиз, Маркињос, Верати и Рамос. Можеби имате впечаток дека бевме побавни од вообичаено, но јас тврдам дека разликата се должи на квалитетот на играчите на ПСЖ“, вели Тудор.
Марсеј е на второто место во Лига 1 со 52 бода, осум помалку од лидерот ПСЖ.
