Согласно податоците од Институтот за јавно здравје, Министерството за здравство информира дека во последните 24 часа се направени 1.334 тестови, а регистрирани се 85 нови случаи на ковид-19.
Најмногу новозаразени има во Скопје, вкупно 60, во Битола и 7, следува Охрид со 4 и Неготино со 3, во Тетово, Кавадарци и во Кочани има 2 новозаразени, додека по еден во Штип, Кичево, Гевгелија, Ресен и во Делчево. Од вкупниот број на позитивни, регистрирани се 19 реинфекции.
Регистрирани сe 48 оздравени пациенти од: Скопје – 34, Битола – 9, Ресен – 2, Охрид, Куманово и Прилеп – по 1. Во текот на изминатите 24 часа не се пријавени починати лица.
Досега во земјата се направени вкупно 2.054.677 тестирања на КОВИД-19. Вкупната бројка на ковид-дијагностицирани лица во нашата земја од почетокот на епидемијата изнесува 311.936, бројот на оздравени пациенти е 302.061, на починати е 9.303, а бројот на активни случаи изнесува 572.
