Од денеска па во наредните два дена Блок 1 на РЕК Битола ќе биде плански исклучен од електроенерегетскиот систем на Република Северна Македонија, поради зафати за зголемување на доверливоста и стабилноста на постројката – соопшти ЕСМ.
„Потсетуваме уште еднаш дека годинава, со оглед на енергетската криза во државата и Европа, РЕК Битола нема да прави класични ремонти на блоковите, туку ќе ги користи приликите за техничко – технолошки зафати за санација и нега на производствените погони согласно околностите. Во меѓувреме, продолжува со работа Блок 2 на РЕК Битола“ – информиара АД ЕСМ.
Компанијата потсетува дека ги обезбедува потребите за електрична енергија за домаќинствата и малите потрошувачи исклучливо од сопствено производство, а струја не се увезува и не се планира увоз на ниту во следните денови.
