Вкупно 34 лица се пријавиле кај лекарите во различни делови на Хрватска поради сомневање за труење од газирани пијалоци.
Најмногу пациенти дошле во КБЦ Загреб, 17. Од нив двајца се со ерозивни повреди, но никој не е задржан на болничко лекување. Шест пациенти дошле во КБЦ Сестре милосрдница, а сите шест биле отпуштени дома, а кај ниту еден не биле констатирани ерозивни повреди. Во клиничката болница Меркур во Загреб се пријавиле двајца пациенти. Еден е задржан на болничко лекување, а еден е отпуштен дома.
Еден пациент е задржан и во болницата во Риека.
Докторите ги контактирале уште тројца пациенти во Сплит и по еден во Карловац, Вараждин, Винковци, Чаковец и Вировитица. На пациентот во Вараждин му биле констатирани ерозивни повреди, но не бил задржан на болничко лекување.
Министерство за здравство на Република Хрватска
Да потсетиме, хрватската јавност беше вознемирена од случаите на сомневање за труење од газирани пијалоци низ целата земја. Поради нив, Државниот инспекторат нареди повлекување на дел од производите на компанијата Кока Кола и и забрани на компанијата да става нови производи во продажба додека не се утврди дека се безбедни за потрошувачка. И трговските ланци и угостителските објекти почнаа да отстрануваат дел од асортиманот поврзан со оваа компанија.
