Поминаа 32 години од снимањето на популарниот филм „Сам во куќата“. Филмот кој ја воодушеви и помладата и повозрасната публика се гледа повеќе од три децении, а по неговото снимање никој не ни сонуваше дека оваа комедија ќе стане асоцијација со Божиќ и празници.
Меколи Калкин почнал да глуми кога имал само четири години. Неговиот живот подоцна бил многу турбулентен, а поради популарноста што ја стекнал во детството, подоцна имал проблеми со пороците, пишува Нова.рс.
Џо Пеши и Даниел Стерн се прославија глумејќи не толку светли крадци во популарниот филм.
Иако Хари и Марв ги паметиме како млади ликови, денес и двајцата се постари и изгледаат многу поинаку отколку пред 32 години, кога беше објавен првиот дел од овој филм.
Џо Пеши го глумеше Хари кој направи познато дуо со Марв, а денес има 79 години. По богатата актерска кариера се пензионира во 1999 година и оттогаш само повремено се појавува во филмови.
Даниел Стерн денес има 65 години. Покрај глумата, пишува и сценарија и режира, а една од последните улоги му е во серијата „Шрил“.
