More

    30.000 жандарми ќе ја чуваат Франција пред вториот круг избори

    spot_img

    Изгледа дека францускиот претседал Емануел Макрон конечно ги послушал советите на своите сопартијци и решил да исчезне од очите на јавноста во последните две недели. Во пресрет на вториот круг од парламентарните избори во Франција, ни трага ни глас од Макрон.

    Тој последен пат беше забележан од фотографите во неделата кога се појави на избирачко место во крајбрежниот град Ле Туке во лежерна облека – црна јакна „пилотка“, очила за сонце „Топ Ган“ и бејзбол капа.

    Наместо да се појави на телевизија за да ги утеши своите колеги кои беа поразени во првиот изборен круг, Елисејската палата издаде само кратко соопштение во кое повикува на единство.

    Фотографиите со ликот на Макрон се дури и отстранети од летоците од кампањата и постерите на неговата партија Преродба. Многумина во партијата му замеруваа што распиша предвремени избори, сметајќи го неговиот потег како избрзана реакција предизвикана од срам и повредена гордост по лошите резултати на европските избори.

    – Му беше кажано да престане (со кампањата)…И не е како да ја слушна нашата порака, тој беше повеќе принуден да ја слушне. (Претседателот) потцени колку неговата личност е одбивна за јавноста – рече еден член на партијата Преродба за Политико.

    Во последните недели, неколку партиски „тешкаши“ лобираа Макрон да остане надвор од кампањата, велејќи дека е неопходна „демакронизација“.

    Неколку сојузници на Макрон ја ставија на маса можноста за лабава коалиција, слично на она што беше направено во Шпанија и Германија.

    Доколку екстремната десница освои големо мнозинство, Макрон би бил под притисок да го номинира Џордан Бардела, претседателот на партијата Национален собир за премиер. Во спротивно, претседателот би можел да се најде во непријатна позиција на долготрајни коалициски преговори со неговите ривали лево и десно.

    Но, таков сојуз би бил возможен само ако Макрон се согласи да работи со крајната левица или ако социјалистите, зелените и комунистите се согласат да раскинат со нивниот коалициски партнер, екстремната левица Франција неосвоена. Двете сценарија изгледаат неверојатно во овој момент.

    Во Франција в недела ќе бидат распоредени 30.000 полицајци и жандарми за време на вториот круг од парламентарните избори. Од нив 5.000 ќе служат во Париз, поради опасност од немири, изјави денеска министерот за внатрешни работи Жералд Дарманен.

    Дарманен рече дека стравува дека на денот на изборите, 7 јули, „ултралевите“ или „ултрадесничарите“ би можеле да создадат „неред“, пренесува Фигаро.

    Распоредувањето на „исклучително голем број“ полицајци треба да ја спречи силата „да ги искористи предностите од (изборните) резултати за да создаде неред“, рече Дарманен.

    Лидерката на екстремно десничарската партија Национален собир Марин Ле Пен денеска изјави дека нејзината партија нема да формира влада доколку не добие апсолутно мнозинство.

    Партијата на Ле Пен е големиот победник во првиот круг од парламентарните избори што се одржа во неделата во Франција.

    – Не можеме да прифатиме влез во владата ако не можеме да дејствуваме – потврди Марин Ле Пен за француското радио Ентер.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img