Лепа Брена се расплакала на концертот во родната Тузла. Тоа се случило во текот на изведбата на песната „Ја немам други дом“, кога 64-годишната пејачка станала толку емотивна што морала да го покрие лицето со рацете.
Додека публиката ја поддржувала со аплаузи и врисоци, Брена не можела да престане да липа, а една девојка од придружните вокали ѝдонела шамивче. Потоа Брена почнала да прави вежби за дишење за да се смири, а ѝ донеле вода.
„Брена, Брена“, извикуваше целото тоа време публиката. Снимката од моментот стана вирална на социјалните мрежи. Српските медиуми сега пишуваат дека на концертот била во готовност и итната помош, во случај концертот да стане премногу емотивен за пејачката.
Лепа Брена е родена како Фахрета Јахиќ во Тузла на 20 октомври 1960 година. Со 40 милиони продадени плочи, таа е најуспешната југословенска пејачка на сите времиња. Иако е родена во Тузла, пораснала во Брчко, во петчлено муслиманско семејство. Таа е најмалото дете на таткото Абид и мајката Ифета (родено Смајловиќ). Брена ги има сестрата Факета и братот Фарук.
