На девојче од осмо одделение ѝ се слошило додека се дружела со другарките пред основното училиште „Деспот Стефан Лазаревиќ“ во Белград, јавуваат српските медиуми.
Иако итната медицинска помош пристигнала брзо, 14-годишното девојче не можело да се спаси и набрзо била констатирана смрт, пишува Блиц.
Порталот Еспресо пишува дека девојчето претходно паднало по скали во училиштето, по што се пожалило на главоболка.
Девојчето наводно немало здравствени проблеми, а дежурниот обвинител наредил обдукција.
На снимката од надзорната камера се гледа како девојчето и нејзините другарки одат кон училишната зграда, по што девојчето почнува да се сопнува и по неколку секунди паѓа на земја.
