Дванаесет лица загинаа, а седум се повредени во експлозија во турска фабрика за производство на експлозиви. Окрузите исклучија можна саботажа, а обвинителството веќе почна да ја истражува несреќата.
Во фабриката за производство на експлозиви во провинцијата Баликесир на северозападот на Турција денеска одекнала силна експлозија во која според турските власти загинале 12 лица, седуммина се ранети, пренесува француската агенција АФП. .
По експлозијата, која се случи околу 8:30 часот по локално време, се урна дел од фабриката. Избувнал и пожар кој пожарникарите го изгаснале. Според локалниот гувернер Исмаил Устаоглу, ранетите не се опасни по живот.
Турскиот министер за внатрешни работи Али Јерликаја објави дека се уште официјално не е потврдена причината за експлозијата во магацинот, кој не бил блиску до населени места. Локалните власти известија за можни технички причини за експлозијата, но не наведоа детали, бидејќи истрагата се уште е во тек.
Турскиот претседател Реџеп Таип Ердоган во одговор на социјалната мрежа Х напиша дека смртта на 12 работници длабоко го растажи.
Во фабриката, која се наоѓа во близина на градот Баликесир, се произведува муниција и други експлозиви и ракети за домашниот и меѓународниот пазар.
