Инспекциските служби на Агенцијата за храна и ветеринарство неделава спровеле вонредни контроли во 38 кујни во приватните градинки на целата територија на Македонија. Со надзорите, утврдено било дека 11 од контролираните кујни не се регистрирани во АХВ како оператори со храна за што се издадени налози за итна регистрација и се изречени парични казни.
„Хигиенските барања кои се однесуваат на неимплементирани процедури на добра хигиенска пракса, констатирано е дека не ги почитувале 4 од кујните во приватните градинки, а еден оператор со храна немал спроведено задолжителен здравствен преглед на вработените лица во кујните. За отстранување на утврдените недоследности, издадени се 14 решенија со наредби, а изречени се и 13 пракршочни санкции- парични казни“, соопшти АХВ.
Со вонредните контроли кај овој тип оператори со храна, не е најдена небезбедна храна.
