Британскиот актер Бенедикт Камбербач (46) и неговото семејство биле шокирани кога маж вооружен со нож влетал во нивната куќа и им рекол страшни закани, како што пишува „Дејли мејл“.
Нападот го извршил поранешен готвач во луксузниот ресторан Џек Бисел (35), кој ја пробил влезната врата од домот на актерот во северен Лондон, вреден 3,5 милиони фунти.
– Знам дека се пресели овде, се надевам дека ќе изгори – викал вооружениот готвач, а причината за нападот не е позната.
Во тој момент во куќата биле актерот, неговата сопруга Софи Хантер (45) и три деца. Слушнале како Бисел ја крши вратата, како и ударот кога ја фрлил вазната од градината кон безбедносниот систем.
Наводно, непосредно пред нападот купил два леба во блиската продавница и му викал на продавачот дека ќе упадне во домот на Бенедикт Камбербач.
