Суперболот заврши, Канзас Сити Чифс (и Тејлор Свифт) победија, но целата интернет слава отиде кај една осамена дама.
Мајката на Тревис Келси, Дона Келси, беше фотографирана на трибините како седи сама, далеку од хаосот, овациите, навивањата и познатите личности, меѓу кои најголемо внимание привлече девојката на нејзиниот син – Тејлор Свифт. Токму овој контраст во однос на класичните фотографии стана апсолутен хит на социјалните мрежи.
Дона Келси беше фотографирана сама, иако подоцна ѝ се придружи нејзиното семејство и девојката на Тревис, Тејлор Свифт. Секако, фотографијата стана и голема инспирација за „мемиња“, па многумина „замислија“ што би можела да чита или пишува Дона.
„Жената седнала и уживала во мирот“, „Што е ајс спајс?“, „Јас кога сум премногу стимулирана на некој собир“ пишувале луѓето како одговор на мирното седење на Дона Келси.
Да потсетиме, во неделата семејството на Келси ја прослави победата на неговиот тим Канзас Сити Чифс. Со нив во ложата беше и Тејлор, која ги донесе пријателките, актерката Блејк Лајвли и раперката Ајс Спајс, навиваше за своето момче и по победата го награди со бакнеж кој буквално го пренесоа сите медиуми во светот.
