Русија не успеа во напорите за „сајбер уништување“ на Украина, што го спроведува истовремено со обидот за инвазија, а проруските напади се префрлија и во европските земји, велат ИТ експертите на Thales Group во извештајот објавен во средата.
„Не го видовме успехот на сајбер војната што Русија сакаше да и ја наметне на Украина, која беше исклучително отпорна“, коментира за АФП Иван Фонтаренски, технички директор за ИТ заштита во Талес.
„На 23 февруари (2022 година), Русија, истовремено со нападот на теренот, на почетокот на конфликтот се обиде да изврши блиц компјутерски напади со непознати вируси создадени специјално за таа прилика, а чија цел беа воени објекти, како што се енергетските инсталации, телекомуникациска и електрична инфраструктура и сателитски мрежи Виасат“, рече тој.
И покрај последиците од нападот на Виасат, телекомуникациската мрежа што ја користи војската, „Украина беше исклучително отпорна, па дури и прилагодлива во обновувањето на работата на нападнатите системи. Мислевме дека Русија е способна да изврши такви операции, но нивниот напад не успеа. Не само што направи грешки во начинот на работа, туку од 2014 година (времето на првиот руски упад во земјата), Украина научи подобро да се заштити благодарение на соработката со сојузничките земји“, додава Фонтаренски.
„Направена е штета во нападите, но Украинците многу брзо успеаја да ја нормализираат работата на погодените системи.
Од украинската страна „немавме докази за напади на воената служба врз Русија“. Некои проукраински активисти се обидоа да извршат напади без поголем ефект, „освен во јуни 2022 година, кога проукраинската група ја презеде одговорноста за нападите на две руски електрани“, рече експертот. „Немаме конкретни докази, но претпоставката е цврсто основана.
Соочени со таквиот отпор што ги изненади експертите, руските напади пред половина година „се свртеа“ кон компјутерско вознемирување со „висок интензитет“ извршено од проруски активисти врз институциите на украинските сојузници, како онаа што ја блокираше веб-страницата на Француското национално собрание.
