Славната хрватска пејачка Јосипа Лисац и нејзиниот бенд пристигнаа во Скопје каде вечерва ќе одржат концерт во Македонска филхармонија.
Во Скопје Јосипа Лисац ќе прослави 50-годишен јубилеј од нејзиниот култен албум ,,Дневник једне љубави” и ќе ги отпее сите свои големи хитови: „О једној младости”, „Плачем”, „Не препознајем га”, „Једна кратка вест”, „По први пут”, „Срела сам се са њим”, „Странац”, „Вјерујем ти све”, „Лежај од суза”…
Некои од овие песни не се отпеани во живо повеќе од 40 години, велат организаторите на настанот. Тие додаваат дека билетите за вечерашниот концерт се целосно продадени.
