Пејачката Адел, 16-кратната добитничка на Греми, ги воодушеви фановите кои дојдоа на нејзиниот концерт во Минхен со единствеениот потег – пренос на полуфиналето и на финалето на Олимписките игри на 100 метри за атлетичарки.
Видеата споделени на социјалните мрежи покажуваат како Адел го паузира концертот и на големиот видео-ѕид го пуштила финалето на Олимписките игри на 100 метри за атлетичарки.
Полуфиналето се пренесувало на преполн стадион, а финалето било прикажано неколку часа подоцна, во живо од Париз.
Во финалето златото го освоила Џулиен Алфред од Сент Лусија, додека Американката Ша Кари Ричардсон го освоила сребрениот медал.
Пејачката овој месец има 10 концерти во Минхен во специјално адаптирана арена со капацитет од 80.000 луѓе од вечер.
Таа морала да го прекине својот прв концерт во Минхен како би ѝ помогнале да извади дел од фустанот кој бил мокар од силниот дожд.
Адел во јули објави дека ќе направи „голема пауза“ од музиката по низата претстојни настапи.
