Русија го нападна Киев со беспилотни летала по петти пат за две недели, а системите за воздушна одбрана на Украина ги соборија сите ракети пред да стигнат до главниот град на Украина, соопшти украинската војска.
Нема жртви или значителна штета, објави на Телеграм Сергиј Попко, шеф на воената управа на главниот град на Украина.
– Овие систематски напади со беспилотни летала покажуваат уште еднаш дека напаѓачот активно бара можност да го нападне Киев. Тие тестираат нови тактики, бараат нови рути за приближување до главниот град, се обидуваат да ја разоткријат локацијата на нашата воздушна одбрана – изјави Пепко.
Украинските воздухопловни сили на Телеграм објавија дека нивните системи за противвоздушна одбрана уништиле 35 од 39 беспилотни летала и две крстосувачки ракети лансирани од Русија во текот на ноќта. Цел на ноќните руски напади биле 10 украински региони, додаваат тие.
Засега не се знае колку дронови биле лансирани во Киев.
Русија лансираше три балистички ракети „Искандер“, соопштија од украинските воздухопловни сили, но не открија што се случило со нив.
Воената администрација на регионот Суми во североисточна Украина, која граничи со Русија, објави на Телеграм дека руска ракета ја оштетила клучната инфраструктура во областа Шосткински.
Русија сè уште не ги објавила нападите.
