Прекумерното внесување сол е поврзано со поголем ризик од рана смрт и пократок животен век, покажа истражувањето.
Истражувањето објавено во European Heart Journal опфати повеќе од 500.000 луѓе во Обединетото Кралство Биобанк, кои одговорија на прашалник за нивните навики во исхраната поврзани со потрошувачката на сол помеѓу 2006 и 2010 година, пренесува CNN.
Експертите тврдат дека значителниот внес на сол го зголемува ризикот од рана смрт, додека овошјето и зеленчукот го намалуваат. Тие ја анализираа здравствената состојба на испитаниците приближно девет години по спроведувањето на прашалникот и заклучија дека луѓето кои додаваат повеќе сол во оброците имаат поголема веројатност да умрат рано. Меѓутоа, оние кои јаделе повеќе овошје и зеленчук со големи количини сол ги намалиле овие веројатности.
Американското здружение за срце препорачува возрасните да консумираат не повеќе од 2.300 милиграми сол дневно, но тие забележуваат дека идеалната граница е 1.500 милиграми дневно.
Конзумирањето премногу сол може да доведе до зголемување на крвниот притисок, а следствено да предизвика срцеви заболувања, мозочен удар и бубрежни заболувања, пренесува Klik.hr.
