Руското Министерство за одбрана соопшти дека наскоро ќе биде пуштен во употреба противвоздушниот систем С-500 Прометеј кој меѓу другото може да соборува хиперсонични ракети и цели во блиската вселена. Ова станало возможно по обемна работа и низа тестови.
– Според своите можности, С-500 може да работи против боеви глави на интерконтинентални балистички ракети, а тие се движат со хиперсонична брзина и можат да работат против наведувани боеви глави, како и против слични системи со помал дострел – рече експертот Дмитриј Корнев, пренесува „Известија“.
Овој комплекс е способен да работи на надморска височина до 200 километри и до опсег до 600 километри, што овозможува ефикасно сузбивање не само на аеродинамичните, туку и на вселенските закани, вклучително и сателитите во ниските земјини орбити.
Меѓу другото С-500 може да цели на стелт авиони од петта генерација, а според руските експерти тој е најнапреден ваков систем во светот. Ривали на Запад му се THAAD и Patriot, но нивниот дострел изнесува максимум 200 километри, што е трипати помалку од С-500.
Се тврди дека С-500 има уникатна способност да пресретнува хиперсонични ракети за маневрирање со брзина поголема од 10 мах, каде што се претпоставува дека системот со среден дострел С-400 може да пресретне цели 8 мах.
С-500 може да се поврзе со С-400 за откривање на цели и да работи во тандем со нив, а опсегот на откривање е 800 километри. Има моќни сензори што му дозволуваат да неутрализира цели со големина на авион-ловец. На пример, оптимизиран е да ги неутрализира авионите за рано предупредување(AEW) на НАТО.
Ако С-500 влезе во употреба, американските стелт-ловци ќе мора да ја променат тактиката поради тоа што С-500 може да ги забележи веќе од 600 километри далечина. Проблем би имале и авионите танкери кои носат гориво.
Американските стелт ловци, вклучувајќи го и Ф-22 и особено полесниот Ф-35, имаат многу помал дострел од претходната генерација Ф-15 или руските ловци како Су-30СМ2 и Су-57, што значи дури и во Европа, но особено во на Пацификот, тие ќе се обидат да работат без полнење гориво во воздух од танкери.
