Граѓаните на Русија и Белорусија следната година нема да можат да учествуваат на 127. Бостонски маратон, пренесува ТАСС повикувајќи се на прес-службата на познатото натпреварување.
Во соопштението се наведува дека Русите и Белорусите кои моментално не се постојани жители на споменатите земји ќе можат да учествуваат на маратонот, но нема да можат да се натпреваруваат под знамето на ниту една од тие земји.
Се наведува дека за прв пат на маратонот ќе можат да учествуваат луѓе кои се дефинираат како небинарни (сеопфатна категорија за родови идентитети кои не се исклучиво машки или женски).
Бостонскиот маратон ќе се одржи на 17 април.
