Општина Куманово итно испрати свои противпожарни екипи како поддршка на колегите од Тетово во гасење на активниот пожар во фабриката.
Дополнително, една цистерна од јавното претпријатие „Чистота и зеленило“ Куманово дава асистенција на нивните колеги комуналци во Тетово.
Претходно, Општина Кавадарци испрати три возила и седум пожарникари за да помогнат во гаснењето на пожарот.
Пожарот претпладнево избил во фабриката за стиропор „Профикс“ во Тетово. Во околните населби е исклучена струјата како мерка на претпазливост. Општина Тетово апелираше до учениците и до граѓаните да не излегуваат од дома без потреба.
