На денешен ден, 18 јануари 1862 година, во Истанбул починал Константин Миладинов. Константин извесно време престојувал во Русија, таму, своите песни ги пишувал на македонски јазик, на струшки дијалект. Се смета дека писмото што го добил од брат му Димитар, било директна инспирација да ја напише неговата најпозната песна „Т’га за југ“. Во него, Димитар му напишал: – Дојди си мили брате, поскоро, од ништо не бој се …остај сè …дојди си во татковината, да ги израдуваш моите деца, роднините и пријателите. Овдешната пролет, миризливите цвеќиња, зелената трева по нашите планиње — сето тоа е земен рај!
Со песната „Т’га за југ“ секоја година се отвораат „Струшките вечери на поезијата“. Ова подолу се завршните стихови од неговата безвременска „Т’га за југ“.
Извор: Ласко Џуровски -Фејсбук статус
