Лондонската полиција се извини и им плати значителна отштета на Дани Ал Обеид и Петси Стивенсон, откако беа уапсени за време на почит на Сара Еверард, која беше силувана и убиена од полицаец, соопштија нивните адвокати.
Маркетинг експертот Сара Еверард беше киднапирана на улица во март 2021 година, а нејзиното тело беше пронајдено неколку дена подоцна на околу 80 километри од Лондон.
Веста дека полицаецот Вејн Каузен е уапсен за нејзиното убиство доведе до протести на неколку стотици жени во Лондон, наведува Ројтерс.
Даниа Ал Обеид и Петси Стивенсон се уапсени со образложение дека собирот е кршење на правилата поврзани со борбата против корона вирусот.
