Еве како да го одржите здравјето со едноставни промени.
Дали ќе уживате во годините зависи и од начинот на кој се грижите за вашето здравје. Доколку се фокусирате на здравите навики и ги избегнувате оние кои можат да ви нанесат штета, во ваши раце го имате клучот за долговечноста. Можеби сето тоа и онака ви има смисла, но одржувањето здрави навики не е секогаш толку едноставно. Кои се навиките кои експертите предупредуваат дека треба да ги избегнувате доколку имате 60 и повеќе години?
1. Најудобно ви е да седите во фотелја
Ако мислите дека токму сега можете да си дозволите цел ден да лежите пред екран, се лажете бидејќи оваа навика е исклучително штетна за вас, а некои експерти ја споредуваат со пушењето. „Голем број студии покажаа дека таквиот начин на живот може да има негативно влијание врз здравјето, вклучително и развој на срцеви заболувања, дијабетес тип 2 и рак. Може да го зголеми и ризикот од смрт“, вели д-р Ерин Донели Михос. Тоа не значи дека треба веднаш да се подготвите за маратон, но ако ја промените вашата навика од да не правите ништо на кратка прошетка тој ден, сте направиле многу.
„Знаеме дека жените кои не се движат доволно имаат пократки теломери од оние кои се активни 30 минути дневно“; констатира д-р Аладин Шадјаб и додава дека активноста треба да биде дел од секојдневието веќе на млада возраст и да биде присутна до длабока старост.
2. Гледате како килограмите се натрупуваат
Не се работи само за добар изглед, туку и за фактот дека вишокот килограми може да влијае на вашето здравје кога ќе наполните 60 години. Можеби не сте свесни за тоа, но податоците откриваат дека во тие години е потешко да се симнат килограми и дека во просек за една година „заработуваме“ околу половина килограм, што можеби не изгледа многу, но со текот на времето тие можат да се акумулираат, па дури и да доведат до дебелеење. Што можеш да направиш? Обидете се со тренинг за сила, јадете повеќе протеини и останете активни за да ги поддржувате коските и мускулите.
3. Заборавате на здравата исхрана
Здравата исхрана е неопходна за здраво стареење, а студиите покажуваат дека луѓето кои следат медитеранска исхрана имаат помала веројатност да ги доживеат промените што доведуваат до Алцхајмерова болест отколку оние кои ја избегнуваат.
Потребни се повеќе истражувања за да се утврди кој дел од исхраната има најголемо влијание врз функцијата на мозокот. Меѓутоа, во моментов е познато дека омега 3 масните киселини кои се наоѓаат во маслиновото масло се неопходни за правилно функционирање на клетките, а со тоа го намалуваат ризикот од развој на коронарна срцева болест и го забавуваат влошувањето на когнитивните функции.
4. Не обрнувате внимание на когнитивните функции
Кога ќе наполнат 60 години, многу луѓе размислуваат за пензионирање или како да го забават темпото, што секако може да биде многу позитивно за вашето здравје, но не дозволувајте мозокот да страда во овој период. Истражувањата покажуваат дека пензионирањето може да го претвори мозокот во каша, а според некои резултати од истражувањата, краткорочната меморија опаѓа за 40 проценти побрзо по пензионирањето.
Истражувањата покажаа дека извршувањето на нови задачи вклучува активност на поголеми делови од мозокот, додека тие рутински задачи резултираат со намалена активност на мозокот. Затоа, важно е да се воведат нови секвенци или начини на дејствување во текот на денот. Како што објави The Healthy, оставете го утринското чистење едно утро после појадокот или додека пиете кафе, гледајте цртан филм или едноставно заменете ја рутата по која вообичаено се движите за да го шетате кучето со друга. Истражувањата покажаа дека социјалната депривација има неколку негативни ефекти врз когнитивните способности на мозокот. Затоа вклучете се во социјални активности со други луѓе во текот на денот.
5. Изолирани сте од семејството и пријателите
Одржувањето здрави односи со пријателите и семејството е важна навика како што старееме и за здравје и за среќа. Студиите постојано потврдуваат дека интеракцијата со другите е важна за менталното и физичкото здравје.
„Позитивните врски можат да бидат исто толку важни како и храната и физичката активност, одржувањето на здрави врски и социјалната „мрежа“ придонесува за долговечност и здравје“, вели д-р Бони Бетс, психијатар, пренесува „Практис“.
