Поранешното момче на Јелена се врати во нејзиниот живот и тоа на најнеобичен начин – тој сега работи за нејзиниот сопруг. Кој е Иван Бјелица Гилет?
За почеток, Јелена и Новак Ѓоковиќ се запознале во средно училиште, но пред да ja крунисаат нивната долга љубов со брак, имале пократки врски со другите партнери, пишува српска Нова.
Во времето кога сè уште се презивала Ристиќ, таа го сакала тенисерот Иван Бјелица Гилет. Иако биле во кратка врска, неговото име продолжило да се споменува во медиумите.
Иван пред пет години почна да излегува со Христина Поповиќ. Иако никогаш јавно не проговорија за својата врска, стана јасно дека на нивната љубов ѝ дојде крајот во 2018 година, кога русокосата актерка ги избриша заедничките фотографии од својот Инстаграм профил.
Тој своевремено беше перспективен тенисер, кој стигна до 290. место на АТП листата. Освои 12 трофеи на ИТФ турнирите, а беше успешен и како играч во двојки. Во својата сениорска кариера одигра повеќе од илјада натпревари.
Дипломирал банкарство и финансии на Универзитетот во Мисисипи, а денес е почитуван тренер во тенискиот центар на Новак.
