Германскиот производител на автомобили Фолксваген сака да го пресели производството на моделот „голф“ надвор од земјата, можеби во Мексико, каде што веќе има фабрика или поблиску до дома, во Полска, пишува весникот Handelsblatt.
Иако „голф“ е една од најголемите икони на VW (на почетокот на оваа година ја одбележа 50-годишнината од појавувањето на првата генерација), овој модел повеќе не се продава како порано.
Проблемот на „голф“ е што теренците на фолксваген имаат високи маржи и високите трошоци за работната сила кои ги има во Германија. Преселувањето на производството во странство може да заштеди пари на компанијата на која ѝ е важен секој цент.
Изворите на весникот велат дека новиот компактен електричен автомобил, привремено наречен ID.Golf, кој треба да се појави во 2028 година ќе се произведува во фабриката во Волфсбург. Но, сегашниот Golf 8.5 со SUS мотори се очекува да остане во понуда заедно новиот, можеби дури до 2035 година. А токму овој модел очигледно ќе биде преместен на поевтина локација за производство.
Производството на „голф“ во Мексико, сепак, може да се покаже како проблематично за американскиот извоз доколку претседателот Трамп го исполни своето ветување дека ќе воведе увозни тарифи од 20% за автомобилите кои доаѓаат во САД од Мексико.
Фолксваген би можел да го префрли производството на некои модели од Мексико во својата фабрика во САД, но тешко дека „голф“ ќе ја оправда таквата инвестиција. Компанијата ги нуди само верзиите GTI и R во САД, а бројките велат дека нивната годишна продажба од 11.000 сочинува само 3% од глобалното производство на „голф“.
Дискусиите на Надзорниот одбор на Фолксваген за иднината на фабриката за „голф“ во Волфсбург и други локации требаше да се одржат во ноември, според истиот извештај, но беа одложени поради штрајкови и преговори со работничкиот совет.
