И покрај војната во Украина и желбата на неговата земја да стане членка на НАТО, финскиот министер за одбрана Анти Кајконен одлучи да земе отсуство од 6 јануари за да помине речиси два месеци со својот шестмесечен син.
„Децата се мали само за момент, и јас сакам да се сеќавам на тоа поинаку отколку само на фотографиите“, рече 48-годишниот Кајконен, изразувајќи го своето верување дека безбедноста на Финска ќе биде „во сигурни раце“ за време на неговото отсуство.
Иако должностите на министер ми се многу важни, во одреден момент треба да можете да го ставите семејството на прво место, рече Кајконен.
Во април ќе се одржат парламентарни избори во Финска, а процесот на пристапување на Финска во НАТО е закочен, главно поради отпорот на Турција.
Анкара тврди дека пред да влезат Финска и Шведска во Алијансата, неопходно е тие две земји да преземат акција поради наводните активности на курдските екстремисти на нивна територија.
Од 30-те членки на НАТО, само парламентите во Турција и Унгарија не го ратификуваа пристапувањето на Финска и Шведска, според АП.
