Помина нешто повеќе од една година откако Бритни Спирс конечно, по 13 години, беше ослободена од старателството на нејзиниот татко кој го контролираше нејзиниот приватен и деловен живот. Иако не зборува често, татко ѝ Џејми, овој пат се наврати на 13-те години кои се зад нив.
Милиони обожаватели на пејачката го осудија нејзиниот татко, а движењето #FreeBritney, кое се појави на интернет, доби поддршка од познати личности како Мадона, Парис Хилтон и Мајли Сајрус. Џејми беше обвинет дека ја држи својата ќерка во институција за ментално нестабилни против нејзина волја и ја лишил од слободата во секој аспект од нејзиниот живот.
Коментирајќи ја кампањата, Џејми, како и секој пат досега, не кажа премногу детали. Тој ги отфрли сите тврдења што кампањата ги изнесе во јавноста и ги нарече луѓето кои ја поддржуваат кампањата теоретичари на заговор.
Седумдесетгодишникот решил да зборува поискрено за да се одбрани себеси и судската наредба, тврдејќи дека тоа е единствената причина зошто неговата ќерка била жива денес.
Тоа, тврди тој, била неопходна интервенција која не само што ја спасила Бритни од најмрачните денови, туку и нејзината кревка врска со нејзините деца Престон (17) и Џејден (16), кои ги има со поранешниот сопруг. Тоа беа тешки времиња, признава Џејми, предупредувајќи дека не сака да прикаже навидум убава слика за ситуацијата зад нив. Но, одлуките, инсистира тој, биле исправни – дури и ако ги нарушиле односите меѓу него и неговата ќерка.
„Нема сите да се согласат со мене. Беше тешко време, но ја сакам ќерка ми со целото мое срце и душа. Се прашувам каде ќе беше мојата ќерка денес да не постапев така. Мислите ли дека ќе беше жива без надзор? Јас знам дека не би била жива“, рекол Џејми. Тој додал дека сето тоа било важно за заштита на неговите внуци.
Како што вели денес Џејми, точно е дека се создала значителна оддалеченост меѓу него и неговото најстаро дете, но истакнал дека мора да внимава што зборува за да не се одрази на иднината.
„Не сакам да ја турнам низ дупката во која се наоѓа во моментов“, коментирал Џејми со избрани зборови на нејзината објава на социјалните мрежи.
