Европската унија ја разгледува можноста да ги искористи запленетите средства на руската централна банка во износ од 300 милијарди долари за обнова на украинската инфраструктура уништена за време на руската инвазија на Украина.
Претседателот на Европскиот совет, Шарл Мишел, ги повика владите на Европската унија да продолжат со консултациите за тоа како може да се искористат овие средства, објави лондонскиот Financial Times.
Мишел рече дека сака да ја анализира можноста за генерирање профит, кој потоа може да се канализира во напорите за реконструкција, пишува британскиот весник.
Сепак, тој додаде дека имотот ќе и биде вратен на руската држава доколку се потпише мировен договор.
Европскиот блок, составен од 27 земји-членки, ги замрзна руските средства како одговор на руската инвазија на Украина.
