Авион со 72 лица се урна на аеродромот Похара во Непал. Досега се пронајдени телата на 16 мртви лица.
Авионот на „Јети ерлајнс“ летал од Катманду кон Покара кога се урнал при слетувањето, а потоа се запалил. Во авионот имало 68 патници, од кои десет странци и четворица членови на екипажот.
Непал, исто така, ја вклучи армијата во спасувачката операција во туристичкиот град. Досега се пронајдени 16 тела.
„Очекуваме да најдеме уште тела“, изјави воениот портпарол, додавајќи дека авионот е скршен на парчиња, јави Би-Би-Си.
Премиерот Пушпа Камал Дахал свика итен состанок на неговиот кабинет и ги повика државните агенции да соработуваат за време на операцијата за спасување.
