Градоначалникот на Дубровник, Мато Франковиќ, на Фејсбук го објави заканувачкото писмо што го добил поради новогодишниот настап на Здравко Чолиќ.
Чолиќ за новогодишната ноќ заработи вртоглави 130.000 евра, што е убедливо најмногу од сите изведувачи во регионот.
Во писмото што е испратено до Франковиќ се вели дека е од хрватските бранители на тигрите и од 4-та бригада на Хрватска.
„Другар Франковиќ, ние во 1991 година го браневме Дубровник од четниците и србадиите, а ти денес каниш српски пејачи на Страдун како Здравко Чолиќ и други Цеци српски што им пееја на четниците на Пале, сега мислиш дека тешко ќе го зезаш хрватскиот народ. Последна опомена, дека ќе го преораме со динамити целиот Страдун, а тебе ќе те обесиме на јарбол на Страдун“, се вели во анонимното писмо.
– Честитка за добро утро од „бранителите“ кои немаа храброст да се потпишат – напиша Франковиќ и го објави писмото во кое јасно се читаат грозоморните закани.
Франковиќ заканата ја пријавил, но и ја објавил јавно, зашто треба да се предупреди и на одговорноста на оние што се закануваат.
– Не би рекол дека заканата е мала. Таа е сериозна – рече тој.
Франковиќ тврди дека има добри односи со бранителската популација.
Еве како изгледаше концертот на Чолиќ во Дубровник:
