Колумбиската пејачка Шакира нема да пее на свеченото отворање на Светското првенство во Катар во недела, објави шпанската новинска агенција ЕФЕ, повикувајќи се на неименувани луѓе блиски до пејачката.Во последните денови се шпекулираше дека Шакира ќе настапи во недела.
-„Досега објавените информации за нејзиното учество и последователно повлекување се засноваат на шпекулации и неофицијални информации“, изјавија извори за ЕФЕ, пренесува агенцијата Хина.
Се уште не се знае кои забавувачи ќе го отворат првенството, бидејќи некои светски ѕвезди решиле да не учествуваат поради општествено-политичката ситуација во Катар.
Медиумите објавија дека ќе настапат колумбиската пејачка Малума, која треба да ја отпее официјалната песна на шампионатот, како и Ники Минаж и либанската пејачка Мирјам Фарес.
Песната на Шакира „Вака вака“ (Вака вака) беше официјална песна на Светското првенство во Јужна Африка во 2010 година.
