Денеска наутро по одделни котлини ќе има услови за појава на магла или ниска облачност, најавува Управата за хидрометеороошки работи.
Преку денот времето ќе биде сончево со мала до умерена локална облачност. Ќе дува слаб до умерен, а долж Повардарието повремено засилен ветер од северен правец, особено изразен преку ноќта кон недела.
Температурата ќе се искачи до 26 степени во Гевгелија.
Во Скопје наутро во делови од котлината ќе има услови за појава на слаба магла, а преку денот времето ќе биде сончево со мала до умерена облачност. Ќе дува слаб до умерен ветер од северен правец кој во делови од котлината повремено ќе засилува. Максималната температура ќе се искачи до 22 степени целзиусови.
И во следните денови продолжува периодот на стабилно и суво време со појава на магла и ниска облачност по одделни котлини. Под влијание на постудена воздушна маса од север во недела ќе има зголемена облачност, ќе дува умерен до засилен северен ветер и дневната температура ќе опадне за 6 до 8 степени.
Во текот на следната работна седмица утринските температури на повеќе места ќе се спуштаат под нула степени, на некои места до минус 6 степени.
