Минатата година во Италија се родиле 1,9 отсто помалку деца отколку во 2021 година, а бројот на жители е намален за 0,3 отсто или за 179.000 лица, објави Државниот завод за статистика, пренесува Анса.Според објавените податоци, во Италија во 2022 година се родени 392.598 деца, што е за 7.651 помалку од претходната година.
Се нагласува дека намалувањето на жителите ќе беше уште поголемо доколку во Италија не пристигнаа голем број мигранти.
Лани најголем пад на наталитетот од 0,6 отсто е забележан на југот на земјата, на север 0,1 отсто, а во централна Италија 0,3 отсто.
