Поради војната во Украина, кафулињата во една земја од другата страна на светот се затвораат
Поскапувањето на енергенсите поради војната во Украина се чувствува на глобално ниво и никој не е поштеден, дури ни илјадници километри во Австралија.
Всушност, таму индустрија вредна околу шест милијарди евра минува низ тешки времиња, а оние кои се помалку оптимисти ќе речат колапс. Имено, станува збор за угостителство, бизнис кој по приход по население е зад само Европа.
Поскапите комуналии повлекуваат и други трошоци, од производство, плати, кирии и камати, поради што кафулињата ги зголемуваат цените, жителите трошат сè помалку, а бројот на вработени во овие кафулиња автоматски се намалува. Значи, тројната штета и нејзините резултати се веќе јасно видливи.
Вкупно во изминатите две години трошоците се зголемени за 16 отсто, а граѓаните трошат десет отсто помалку. Покрај тоа, производството на најпопуларното кафе со млеко или како што таму се нарекува „рамно бело“, се зголемило за 20 отсто. Сето ова ги брка луѓето од кафулињата, пишува Ројтерс.
Бизнисот станува нерентабилен, па има бран на затворање на традиционални австралиски кафулиња, каде што е вообичаено да се седне на кафе и да се јаде сендвич. Тоа е дел од културата таму, начинот на кој милиони го започнуваат својот ден. Односно, тие го започнуваа.
Резултатот е дека 50 отсто од малите бизниси кои моментално се продаваат се угостителски објекти, а шестина од овие кафулиња се затвораат пред да најдат купувач. Оние кои остануваат на пазарот се повеќе се одлучуваат да се преструктуираат и да се свртат кон испораките, односно кон проширување на понудата за храна, бидејќи тоа им е поисплатливо.
