Полицијата забрани собири против пензиските реформи на плоштадот Конкорд и Елисејските полиња во Париз, по дводневните протести обележани со инциденти.
-„Поради сериозен ризик од нарушување на јавниот ред и мир, забрането е секое собирање на плоштадот Конкорд и неговите приоди, како и во секторот Шанзелизе“, изјавија од полицијата за агенцијата Франс прес.
Како што се наведува, полицијата систематски ќе ги отстранува лицата кои ќе се обидат да се соберат и може да бидат казнети.
Противниците на пензиската реформа на францускиот претседател Емануел Макрон најавија продолжување на протестите викендов, планирани се нови собири и штрајкови во земјата, која западна во политичка криза откако владата го усвои законот за пензиските реформи заобиколувајќи го парламентот.
