Организацијата на земјите извознички на нафта (ОПЕК) ја намали прогнозата за раст на побарувачката на нафта за 2024 година за прв пат оваа година за 135.000 барели дневно на 2,1 милиони барели на ден (bpd) поради послабата побарувачка на енергија во Кина.
Кинеската економија порасна за 5% на годишно ниво во првиот квартал и забави на 4,7 отсто во вториот квартал од 2024 година, покажаа податоците од Кинеското Национално биро за статистика (НБС).
Според прогнозата на ОПЕК, главниот придонес за растот на побарувачката на нафта во 2024 година ќе го имаат земјите кои не се членки на Организацијата за економска соработка и развој (ОЕЦД).
За раст од 1,9 милиони барели дневно ќе придонесат пред се Кина, Индија и земјите од Блискиот Исток.
Земјите од Северна и Јужна Америка ќе додадат нови 0,2 милиони барели дневно, додека за Европа се предвидува благо намалување на потрошувачката.
фото: pixabay.com
